පාපොච්චාරණය

අද මහ මූසල දවසක්.....අව්ව පොඩ්ඩක්වත් පොළවට වැටෙන්නෙ නැති වෙන විදිහට කළුම කළු මහ සද්දන්ත වළාකුලු වලින් මුලු අහසම වැහිලා තිබුණා......ඒ හිංදා මුළු වටපිටාවෙම තිබුනෙ මහ මූසල අඳුරක්......

පිටකොන්ද දිගේ මුළු ඇඟම හිරිවට්ටගෙන අමුතු හීතලක් ගලං ගියා.. වැස්සක් ලඟ එනකොට වෙනදට නං ගහකොළ සතා සීපාවා හැමෝම වැස්සට සූදානම් වෙනවා.....

 ඒත්... .

අද නං එහෙම ගතියක් තිබුනේ නෑ.මූසල අඳුරට ගුලිවෙලා හැමෝම ඔහේ හිටියා.....

ඔව්....

 වෙනදට මහ වැස්ස පිලිගන්න අත පය දිගඇරගෙන හිරිඅරිමින් නටපු එයාලා අද අතපය බැඳගෙන මුකුත් නොදන්න ගානට ඉඳියා......

 ඇඟ හිරිවට්ටන මහ ජරා හීතලත් එක්ක මුහුවෙච්ච අළු පාට ඝන මීදුම් දුමාරය මගේ වටේ පිරිලා තිබුනා.........

 අතේ තිබුන ලේ වලින් පෙඟිච්ච පිහිය ලඟ තිබුන පඳුරකට වීසි කරලා මං හීතලට ගුලිවෙලා ඉස්සරහටම ගියා........

මං ඉඳියෙ කන්දෙ උඩම......

ඔව්.....

එතන හදලා තිබුන කළු ගලෙන් බැන්ඳ වේදිකාව උඩට වෙලා පහලින් පේන ඉමක් කොනක් පේන්නැති මහ වනාන්තරය මීදුම් දුමාරයෙන් වැහිලා යන විදිහ මං මහා හිස් බැල්මකින් බලං ඉඳියා........

මීට කලින් කවමදාකවත් මං මෙතන්ට ඇවිත් තිබුන් නෑ.....

ඒත් අද......

අද ඒ දවස උදාවෙලා.......

කවමදාකවත් තමන්ට එකතුවෙන්න බැරි බව දැනගත්තු පෙම්වත්තු ඊලඟ ආත්මෙවත් එකතුවෙන්න පතාන මීදුමේ ඝනත්වය හොයන්න පියාඹන්නෙ මෙතනින්..... මං එනකොටත් එතනින් ගොඩක් අය එහෙම ගිහිං තිබුන හිංදද මංදා එතන මට කියන්න තේරෙන්නැති මහ අමුතු හැඟිමකින් පිරිලා තිබුනා......

මං ආවෙත් මීදුමේ ඝනත්වය හොයන්න.......

                                              ************************************

ඒ හැමදේටම ගතඋනේ පැය බාගයක් වගේ පුංචි වෙලාවක්. පැය බාගේ ඉවරවෙනකොට එයා අපේ අවුරුදු තුනක ආදර කතාවට තිත තියලා යන්නම ගිහිං...

කැම්පස් එකට එන තැනම තිබුන කොල පාට වතුර පිරුන පොකුනෙ බැම්මේ වාඩිවෙලා මං නිසලව තිබුන ජල තලයට ගලක් ගැහුවා.....කැම්පස් එකේ ඉඳපු නිශ්ශබ්දම පොරක් වෙච්චි මගේ ජීවිතේත් පොකුණෙ ජල තලේ වගේ වෙන්න යන වග මට ඉවෙන් වගේ තේරුනා..........

මේ සේරම සිද්දඋනේ ඌ නිසා වග මං දැනං හිටියා.... ඌව මතක්වෙන පාරක් පාසා මගේ ඇඟ ඇතුල පුච්චගෙන මොනවද යනවා වගේ මට තේරුනා.මට උන් දෙන්න ගැනම ඇතිඋනේ නිවෙන්නැති වෛරයක්.

මට මගේ දුක කියන්නවත් යාළුවෙක් ඉඳියෙ නෑ. මගේ මුළු ලෝකෙම වෙලා හිටියෙ එයා.

 ඔව්...

එයා විතරමයි. අඩු ගානේ යාළුවෙක් වෙනුවෙන්වත් කාලේ වෙන්කරන්න මට ඕන උනේ නෑ. එයා එක්කම හැම තප්පරේම ඉන්නයි මට ඕන උනේ...

ඉතිං.............

ඉතිං... ..............

ආපහු එයා නෑනේ............. 

ආපහු කවදාවත් නෑ..............

මාව පිච්චිලා ගියා.............

මං තීරණයක් අරං පොකුණෙ බැම්මෙන් නැඟිට්ටා.............!!!!!!!!!!!